Атырау қаласында 20-29 наурыз күндері жасөспірімдер арасында тоғызқұмалақтан Қазақстан Республикасының чемпионаты өтті. Еліміздің түкпір-түкпірінен жиналған үздік жас ойыншылар бақ сынаған додада Түркістан облысының спортшылары да жоғары нәтижелерге қол жеткізді.
Атап айтқанда, 17 жасқа дейінгі қыздар арасында тоғызқұмалықтың рапид түрінен Нұрсая Ұстазхан қарсыластарынан оқ бойы озып, ел чемпионы атанды. Сондай-ақ, 15 жасқа дейінгі қыздар арасында рапид бағдарламасында Айару Қалдыбекова күміс жүлдеге ие болса, осы жас санатындағы классика түрінде Азеля Әбдірали қола медальді қанжығасына байлады.
