Қасым-Жомарт Тоқаев Наташа Пирц-Мусарды Словенияның Мемлекеттілік күнімен құттықтап, екі ел арасындағы достық пен өзара тиімді ынтымақтастықтың алдағы уақытта да қарқынды дамитынына сенім білдірді.
Мемлекет басшысы Қазақстан мен Словения арасындағы саяси, экономикалық және мәдени-гуманитарлық байланыстардың нығаюы халықтардың игілігіне қызмет ететінін атап өтті. Сондай-ақ, қос мемлекет арасындағы серіктестік жаңа деңгейге көтеріліп, өзара түсіністік пен сенімге негізделген қарым-қатынастың одан әрі беки түсетініне сенім білдірді.
Қасым-Жомарт Тоқаев Наташа Пирц-Мусардың жауапты мемлекеттік қызметіне толағай табыс, ал достас Словения халқына бақ-береке, өсіп-өркендеу және тұрақты даму тіледі. Қазақстан Президенті екі ел арасындағы достық байланыстардың болашақта да жемісті жалғасын табатынына сенім білдірді.
