23 маусымда елімізде Қазақстан полициясы күні атап өтіледі. Бұл – қоғамдық қауіпсіздікті қамтамасыз ету, заң мен тәртіпті сақтау, азаматтардың құқықтары мен бостандықтарын қорғау жолында қызмет атқарып жүрген полиция қызметкерлерінің кәсіби мерекесі.
Полиция қызметі – үлкен жауапкершілік пен қырағылықты талап ететін маңызды мамандық. Құқық қорғау органдарының қызметкерлері қоғамдық тәртіпті қамтамасыз ету, құқық бұзушылықтардың алдын алу, қылмыспен күресу, жол қауіпсіздігін сақтау және тұрғындардың тыныштығын қорғау бағытында тәулік бойы еңбек етеді.
Қоғамдағы заң үстемдігі мен тәртіптің сақталуы – мемлекеттің тұрақты дамуы мен азаматтардың әл-ауқатының маңызды кепілі. Осы ретте полиция қызметкерлері ел тыныштығын күзетіп, халықтың қауіпсіздігін қамтамасыз ету жолында кәсіби міндеттерін абыроймен атқарып келеді.
Мемлекет басшысы ұсынған «Заң және тәртіп» қағидаты құқықтық мәдениетті нығайтуға, қоғамдық қауіпсіздікті арттыруға және азаматтардың құқықтарын қорғауға бағытталған. Бұл міндеттерді жүзеге асыруда полиция қызметкерлерінің рөлі ерекше.
Заң мен тәртіп – қауіпсіз қоғамның негізі. Сондықтан құқық қорғау саласының қызметкерлері елдегі тұрақтылықты сақтауға, қоғамның мемлекетке деген сенімін нығайтуға зор үлес қосып келеді.
Кәсіби мереке қарсаңында барлық полиция қызметкерлерін Қазақстан полициясы күнімен құттықтаймыз! Ел тыныштығы мен халық қауіпсіздігі жолындағы жауапты қызметтеріңізге табыс, отбасыларыңызға амандық, мықты денсаулық және абырой тілейміз! 
