Шымкентте екі клуб футболшылары жолдастық матчын өткізген еді. Көрермендердің айтуынша, Ордабасы капитаны ақтөбелік ойыншыны жұдырықпен ұрып, нәтижесінде жаппай төбелес болған.
«Ақтөбе» ойыншысы Әмір Төлеевтің жағы сынған және тістері түсіп қалған, ал тағы бір ойыншының ерні кесілген. Екеуі де ауруханаға түсті.
Шымкенттік тараптың жарақаттары туралы ақпарат жоқ. Жанкүйерлер футбол федерациясынан оқиғаға қатысы барлардың барлығын шеттетуді талап етті.
