Қазақстанда жаңадан салынып жатқан Алатау (Alatau City) қаласында басқарудың жаңа жүйесі енгізілмек. Бұл туралы Парламент палаталарының бірлескен отырысында Премьер-министрдің орынбасары Қанат Бозымбаев мәлімдеді.
Жаңа модельге сәйкес, қаланы дәстүрлі әкім емес, Alatau City Authority деп аталатын арнайы мемлекеттік орган басқаратын болады. Ал қаланың даму стратегиясын Премьер-министр жетекшілік ететін кеңес айқындайды.
Күнделікті әкімшілік басқару жұмыстары Бас атқарушы директор (CEO) арқылы жүзеге асырылады.
Қанат Бозымбаевтың айтуынша, билік тармақтары келесідей бөлінеді:
• Стратегиялық кеңес – қаланың негізгі даму бағыттарын бекітіп, маңызды әкімшілік шешімдерді қабылдайды;
• Әкімдік пен Мәслихат – әлеуметтік, коммуналдық және қоғамдық мәселелермен айналысады.
Айта кетейік, бұл басқару үлгісі Қазақстан үшін жаңа тәжірибе болып саналады және Алатау қаласын заманауи әрі тиімді басқаруға бағытталған.
