10 наурыз күні үйінен шығып кеткен алматылық қыз біраз уақыт байланысқа шықпаған соң, туыстары алаңдаған. Анасының айтуынша, қыздың денсаулығында ерекшеліктер бар болғандықтан, оның ұзақ уақыт хабарсыз кетуі үлкен алаңдаушылық тудырған.
Ақпаратқа сәйкес, кейін белгілі болғандай, ол қоғамдық әжетхананың ішіне құлап кетіп, өздігінен шыға алмай қалған.
Қызды Алматы қаласы Түрксіб ауданы полиция басқармасының криминалдық полиция бөлімінің аға жедел уәкілі Олжас Оразалиев тауып алған.
Оның мұқияттылығы мен жедел әрекетінің арқасында қыз дер кезінде табылып, аман-есен құтқарылды.
