Мемлекет басшысы Қасым-Жомарт Тоқаев 3–4 ақпан күндері Пәкістан Ислам Республикасына мемлекеттік сапармен барады. Бұл туралы Ақорданың ресми Telegram-арнасы жазды.
Сапар аясында Президент Пәкістанның Премьер-министрі Шахбаз Шарифпен және ел Президенті Асиф Али Зардариймен келіссөздер жүргізеді. Кездесулерде саяси диалогты дамыту, сауда-экономикалық байланыстарды кеңейту және мәдени-гуманитарлық ынтымақтастықты нығайту мәселелері талқыланады.
Сонымен қатар Мемлекет басшысының Қазақстан–Пәкістан бизнес форумына қатысуы жоспарланған. Форумда іскерлік байланыстарды күшейту және бірлескен жобаларды іске асыру мүмкіндіктері қарастырылмақ.
ТОҚАЕВ ПӘКІСТАНҒА МЕМЛЕКЕТТІК САПАРМЕН БАРАДЫ
