Алматы облысында бөгет жарылды, Aspan.info тілшісі Tengrinews.kz сілтеме жасай отырып.
ТЖМ хабарлағандай, Алматы облысының Байкент ауылында Ворошилов су қоймасының бөгеті жарылды.
«Су Жармұхамет өзенінің негізгі арнасы бойынша өтеді, одан әрі барлық шлюздер ашық тоғандарға құйылады. Су транзиттік режимде ағызылады. Халықты құлақтандыру жүргізілуде. Елді мекендерді су басу қаупін анықтау бойынша жұмыстар жүргізілуде. Оқиға орнында ТЖД бастығы мен жеке құрамы, облыс әкімі тұр «, — делінген хабарламада.
Естеріңізге сала кетейік, бұған дейін Ақтөбе облысының Әйтеке би ауданында Щербаков бөгетінің шлюзі жарылып, 29 наурыз, жұма күні сағат 21: 40-та бөгет жарылған болатын. Осыған байланысты жақын маңдағы ауылдардың тұрғындары шұғыл түрде эвакуацияланды.
