Халықаралық әйелдер күні қарсаңында «Астана жастары» жастар ресурстық орталығының волонтерлері елорда тұрғындарын құттықтаулармен, гүлдермен және шоколадтармен қуантады, деп хабарлайды елорда әкімдігінің ресми сайты.
Қызғалдақ гүлі мен шоколад қаланың халық көп шоғырланған жерлеріндегі әйелдерге таратылуда. Акция жыл сайын өткізіледі.
«Біздің мақсатымыз – адамзаттың жартысы өкілдеріне мерекелік көңіл-күй сыйлау.Сүйікті аруларға бақыт, денсаулық және бақ-береке тілеймін», — дейді еріктілердің бірі Ерасыл Амантай. Астаналықтар өз кезегінде оларға көрсетілген ілтипатқа риза болып, қамқорлығы үшін жігіттерге алғыстарын білдірді.
«Барлығыңызға көп рахмет! Өте күтпеген және жағымды. Менің көңіл-күйім бірден көтерілді. Әрбір әйелге жеке бақыт тілеймін!» – деді Айнұр Смайылова.
Науқан жалғасуда. Жалпы, еріктілер 1000-нан астам гүл мен шоколад сыйлайды. Естеріңізге сала кетейік, «Игі істер марафоны» аясында елордалық еріктілер жалғызбасты зейнеткерлердің үйлерінің аумақтарын қардан тазалап, коммуналдық қызметкерлерге көмектесіп, ыстық шай мен бауырсақ тарату шараларын ұдайы өткізіп тұрды.
