Ұлттық қауіпсіздік комитетінің (ҰҚК) Шекара қызметі ағымдағы жылдың ақпан айында 2,5 мыңнан астам мемлекеттік шекара бұзушыны ұстады, – деп хабарлайды Aspan.info тілшісі.
Ведомствоның хабарлауынша, ақпан айында құзырлы органдармен бірлесе отырып, шекаралық аймақта Қазақстанның 2559 заңнамасын бұзушы ұсталды, оның ішінде: шекараны бұзғаны үшін – 24 шетел азаматы; шекараны бұзуға әрекеттенгені үшін – 17 шетел азаматы.
Шекарашылар мемлекеттік шекара арқылы заңсыз өтудің 996 фактісін анықтады, оның ішінде:
есірткі заттары – 54 факті, жалпы салмағы – 60 келіден астам;
қару, оқ-дәрі – 20 факт (6 бірлік атыс қаруы және 140 бірлік жүзді қару, 32 дана оқ-дәрі);
діни әдебиет – 63 факт (3 078 дана);
Жанар-жағармай – 330 факт (38 101 литр) жалпы сомасы 8 млн.теңгеден астам;
халық тұтынатын тауарлар – жалпы сомасы 1,4 млрд теңгеден астам 429 факт;
валюталар – жалпы сомасы 1 млрд теңгеден асатын 100 факті.
Сонымен қатар, Каспий теңізінде 18 браконьерлік фактілердің жолы кесіліп, келесілер тәркіленді: браконьерлік құрал – 9,5 шақырым ау; бекіре тұқымдас балықтар – 454 келіге; жартылай түрдегі балықтар – 93 килограмға.
«Алдын алған шығын көлемі шамамен 173,5 миллион теңгені құрады. Аталған фактілер бойынша материалдар құқық бұзушыларды жауапкершілікке тарту үшін құқық қорғау және сот органдарына жолданды», – деп хабарлады Ұлттық қауіпсіздік комитетінің Шекара қызметі.
Мемлекеттік шекарада шектеу шаралары енгізілген жоқ, барлық өткізу пункттері штаттық режимде жұмыс істейді.
