Оқиға туралы жасөспірім қыздың анасы мәлімдеді. Әйелдің айтуынша, 15 жастағы қызы таңертең №52 автобуспен мектепке бара жатқан.
“Автобуста адам көп болған. Осыны пайдаланып, шамамен 40 жастағы бір ер адам қызыма жабысып, қолын белдемшесінің астына салған. Қызым қорқыныштан бір сәтке қатып қалып, сосын бұрылып қараған, ал ер адам оның көзіне тіке қарап тұрыпты. Содан кейін қызым оны телефонына түсіре бастаған, осы кезде ер адам қолын алып тастапты. Ер адам келесі аялдамада түсіп қалған”, – деп жазды Theards қолданушысы.
Әйел полицияға арызданды.
Абай аудандық полиция басқармасы аталған дерек бойынша қылмыстық іс қозғады. Автобустың салонындағы бейнебақылау жазбалары алынған. Полиция күдікті ер адам ұсталып, қамауға алынғанын хабарлады.
