Түркістан облысы Алғабас ауылындағы өрттен зардап шеккен науқас Төтенше жағдайлар министрлігінің тікұшағы арқылы Шымкентке жеткізілді. EC 145 тікұшақ экипажы Жетісай ауданынан санитарлық рейс орындады.
Олар 1986 жылғы ер адамды Шымкентке жеткізді. Себебі Жетісай ауданында шұғыл көмек көрсететін арнайы жабдық жеткіліксіз. Осылайша зардап шеккен азамат қаладағы гипербариялық оксигенация орталығына жеткізілді. Ер адам арнайы медициналық мамандардың бақылауына тапсырылды.
