Алматы – Өскемен трассасында патрульдік полиция шетелдік азаматтарға көмек көрсетті, – деп хабарлайды Polisia.kz. Үшарал ауылы маңында патрульдік полиция экипажы жол жиегінде тоқтап тұрған көлікті байқап, тексерді. Көліктің мемлекеттік нөмірі Қытай Халық Республикасына тиесілі болды.
Ерлі-зайыптылар — Қытай Халық Республикасының азаматтары, олар Семей өңірінен Алматыға бағыт алған. Анықталғандай, көліктің дөңгелегі жарамсыз болып, жақын маңда көмек көрсету мүмкіндігі болмаған. Патрульдік полиция инспекторлары Азамат Алмасұлы мен Рымжан Кервен дөңгелекті ауыстырып, көлікті жақын маңдағы шиномонтажға жеткізді. Осылайша, полицейлер шетелдік азаматтарға көмектесіп, олардың алғысын алды.
ПАТРУЛЬДІК ПОЛИЦИЯ ШЕТЕЛДІК АЗАМАТТАРҒА КӨМЕК КӨРСЕТТІ
