2026 жылғы 17–19 шілде аралығында Шымкент қаласы Абай ауданы аумағында «Қауіпсіз үй» жедел алдын алу іс-шарасы өткізілуде.
Іс-шара аясында Абай аудандық полиция басқармасының Отбасылық-тұрмыстық зорлық-зомбылыққа қарсы күрес бөлімшесінің қызметкерлері учаскелік полиция инспекторларымен бірлесіп, профилактикалық есепте тұрған және тәуекел деңгейі жоғары (8 балдан жоғары) отбасылардың тұрғылықты мекенжайларын тексеру жұмыстарын жүргізді.
Тексеру барысында тұрмыстық зорлық-зомбылық фактілерінің қайталануына жол бермеу мақсатында отбасылармен жеке профилактикалық әңгімелер өткізіліп, қолданыстағы заң талаптары түсіндірілді.
Сонымен қатар, тұрмыстық зорлық-зомбылықтан зардап шеккен азаматтарға көрсетілетін көмек түрлері, сенім телефондары мен дағдарыс орталықтарының қызметі туралы ақпараттық-түсіндіру жұмыстары жүргізілді.
Қауіпсіз үй – қауіпсіз қоғамның негізі!
