Аудан тұрғындарының өмір сүру сапасын арттыру мақсатында ауыз су, электрмен жабдықтау және табиғи газбен қамту бойынша жүйелі жұмыстар жүргізілуде.
Ауыз сумен қамту көрсеткіші – 99%. Дегенмен, Сайрам тұрғын алабы, Бозарық және Тұран жаңақұрылыс аумақтары әлі де ауыз сумен қамтамасыз етуді қажет етеді. Қазіргі уақытта Сайрам және Бозарық аумақтарында абоненттеу жұмыстары жүргізілуде.
Электрмен жабдықтау көрсеткіші – 100%. Сонымен қатар, Бозарық саяжайы мен Сайрам тұрғын алабының жаңақұрылыс аумақтарына қосымша электр желілерін тарту қажеттілігі бар. Бозарық саяжайының жаңақұрылыс аймағында электр желілерінің құрылысы аяқталып, абоненттеу жұмыстары атқарылуда.
Табиғи газбен қамту көрсеткіші – 98%. Табиғи газ жүйесіне қосылуы қажет елді мекендер қатарында Тассай, Бозарық, Таскен, Қызылсу, Шапырашты, Өтеміс, Достық, Мәртөбе, Мирас елді мекендерінің жаңақұрылыс аумақтары бар.
Аудан аумағында инфрақұрылымды дамыту және тұрғындарды қажетті инженерлік жүйелермен толық қамтамасыз ету мақсатында жұмыстар алдағы жылдары да кезең-кезеңімен жүзеге асырылатын болады.
