Ақмола облысында 28 жастағы жігіт әлеуметтік желі арқылы қызбен танысып, жақын араласып кеткен. Біраз уақыттан кейін олар бірге Қосшы ауылында тұра бастаған. Кейін қыз жүкті болып, олар үйленуге дайындала бастаған.
Жігіт сүйгенін ата-анасымен таныстырғанымен, қыз жігіттің жақындарымен таныстыруға асықпаған. Ол өзінің Шымкенттен екенін айтқан. Жігіттің ата-анасы қызға 950 мың теңге қалыңмал беріп, 600 мыңнан астам теңгеге алтын әшекей сатып алған.
Біраз уақыттан соң әйел із-түссіз жоғалып, ақша мен әшекейлерді алып қашып кеткен. Кейін жігіт оның бұрын тұрмыста болғанын және үш баласы бар екенін білген.
Өзінің алданғанын түсінген жігіт полицияға жүгінген. Қазір алаяқтық фактісі бойынша қылмыстық іс қозғалып, «қалыңдық» іздестіріліп жатыр.
