Полиция осы іске қатысты тергеуді бастады.
Полиция мәліметінше, қазір марқұм Нұрайдың қазасының мән-жайын анықтауға бағытталған тергеу шаралары жалғасып жатыр. Күдіктіге сот шешімімен қамауға алу шарасы тағайындалыпты. Марқұмның туыстары ұсынған барлық дәлел мен факт бойынша тергеу жүріп жатыр екен.
Бұған дейін 11 қаңтар күні кешке Шымкентте көпқабатты тұрғын үйдің маңынан қыздың мәйіті табылған еді. Марқұмның денесінде пышақ жарақаттары болған. Жақында марқұмның туыстары қыздың бірнеше рет полицияға жүгінгенін, алайда олардың немқұрайлылық танытқанын айтты.
