Өскеменде 74 жастағы қария көшеде ашық жатқан шұңқырға құлап, жараланды. Оқиға қаладағы Көк базар маңында болған. Зейнеткер кеудесі мен шынтағын ауыртып алған.
Шұңқырды базардағы саудагерлер қазған. Қала тұрғындарының айтуынша, олар бірнеше ай бойы жеке жылу желісін ауыстырып жатқан көрінеді, бірақ жұмыс әлі аяқталмаған. Куәгерлер шұңқырдың қоршалмағанына наразылық білдірді.
