Орталық Азия елдері арасындағы туризм ынтымақтастығын жандандыру мақсатында Түркістан-Самарқан бағытында алғашқы халықаралық әуе рейсі ашылды. Ұлыстың Ұлы күні Түркістаннан бағыт алған ұшақ “Қазақэйр” әуекомпаниясына тиесілі. 80-ге жуық саяхатшыны көрші елдің әуежайынан Самарқан әкімінің орынбасары, жергілікті билік өкілдері ерекше салтанатпен қарсы алды.
Бірегей туристік ресурстарға ие Орталық Азия өңірі туризм саласын қарқынды дамытып келеді. Бұл тұрғыда екі ел арасында тәжірибе алмасу, туризм бағытында бірлескен жобаларды жүзеге асыру жоспарда бар.
Aspan.info Түркістан облысы әкімінің баспасөз сілтемесімен хабарлайды
