Абай облысы Мақаншы ауданының Келдімұрат ауылында жаңа дәрігерлік амбулатория ашылды. Іс-шараға аудан әкімі Дәурен Қойгелдин қатысып, ауыл тұрғындарын осы маңызды оқиғамен құттықтады. Ол ауылдық жерлерде заманауи медициналық нысандардың ашылуы аудан дамуының басым бағыттарының бірі екенін атап өтті.
Жаңа амбулатория бастапқы медициналық көмек көрсетуге арналған заманауи жабдықтармен толықтай қамтамасыз етілген. Медициналық қызметкерлер мен науқастарға қолайлы жағдай жасалған. Айта кетейік, биылғы жылы Мақаншы ауданында сегіз дәрігерлік амбулатория пайдалануға берілді.Сонымен қатар Мақаншы аудандық ауруханасына 1972 жылдан бері алғаш рет күрделі жөндеу жұмыстары жүргізілуде. Бұл жұмыстар облыс әкімі Берік Уәлидің тапсырмасы бойынша жүзеге асырылуда. Күрделі жөндеу аясында ғимараттың қасбеті толық жаңартылып, терезелер мен шатыр ауыстырылады, сондай-ақ аурухана аумағы абаттандырылады.
ЖАҢА МЕДИЦИНАЛЫҚ НЫСАНДАР ПАЙДАЛАНУҒА БЕРІЛДІ
