Алдын ала мәлімет бойынша, қарудан бір рет оқ атылған. Зардап шеккендер жоқ.
Солтүстік Қазақстан облысы Полиция департаментінің мәліметінше, тәркіленген қару атыс қаруы емес, пневматикалық тапанша болып шыққан. Соған қарамастан, оқиғаға байланысты оқушы мен оның ата-анасы жауапкершілікке тартылған.
«Тексеру нәтижесінде кәмелетке толмаған жасөспірім ұсақ бұзақылық жасағаны үшін әкімшілік жауапкершілікке тартылды. Ал оның заңды өкілі баланы тәрбиелеу және қауіпсіздігін қамтамасыз ету міндеттерін тиісінше орындамағаны үшін жауапқа тартылды. Сондай-ақ білім беру органдарына оқиғаға ықпал еткен факторларды жою бойынша шаралар қабылдау туралы ұсыныс енгізілді», – деп мәлімдеді ведомствоның баспасөз қызметі.
Қазіргі уақытта аталған факті бойынша тексеру жүргізіліп жатыр. Тексеру қорытындысы шыққаннан кейін мектеп басшылығы мен білім ордасындағы қауіпсіздікті қамтамасыз етуге жауапты күзет қызметкерлерінің әрекетіне құқықтық баға берілмек.
