Абай облысының Бородулиха ауданына қарасты Новопокровка ауылында керамикалық кірпіш өндіретін жаңа зауыттың ашылу рәсімі өтті.
Салтанатты шараға аймақ басшысы Берік Уәли қатысып, аудан тұрғындарын өндіріс ошағының іске қосылуымен құттықтады.Кәсіпорынның қуаттылығы жылына 6 млн дана сапалы кірпіш шығаруға мүмкіндік береді. 50 адам тұрақты жұмыспен қамтылған.
Жоба бастамашысы – «Шыңғыс Тас» жауапкершілігі шектеулі серіктестігінің директоры Қайырлы Қасенов. Ол өз қаражаты есебінен 2 миллиард теңге инвестиция салып, туған өңірінің экономикасына елеулі үлес қосып отыр.Аймақ басшысы Берік Уәли кәсіпкердің ел игілігі жолындағы еңбегіне ризашылық білдіріп, облыс жұртшылығы атынан алғыс айтты.
