«Президент атап өткендей, Жоғары аудиторлық палатаның алдында республикалық деңгейде де, жергілікті деңгейде де бюджет қаражаты мен мемлекеттік активтердің тиімді әрі ұтымды пайдаланылуын қатаң бақылау міндеті тұр», – деп атап өтті Ақорданың баспасөз қызметі.Өз кезегінде Әлихан Смайылов мемлекеттік аудит жүйесін одан әрі дамыту жөніндегі өз көзқарасымен бөлісті. Ол сондай-ақ ведомствоның ағымдағы жылға арналған жоспарлары туралы баяндады.
«Соңында Қасым-Жомарт Тоқаев Әлихан Смайыловтың тәжірибесі мен кәсібилігі алға қойылған барлық міндеттерді сапалы жүзеге асыруға мүмкіндік беретініне сенім білдірді», – делінген Ақорданың хабарламасында.
