Жаңалықтар Қоғам Шымкент

ТҮРКІСТАН: СОЗАҚТА «БАЗАРДАҒЫ КІТАПХАНА» ЖОБАСЫ ІСКЕ ҚОСЫЛДЫ

Бүгін Созақ ауданындағы «Бекұлы» сауда орталығында қоғамдық мәдениетті арттыру мақсатында «Базардағы кітапхана» жобасы іске қосылды. Игі шараға аудан әкімінің орынбасары Серік Маманов арнайы қатысып, жобаның кәсіпкерлер мен базарға келушілері үшін және барлық оқырманға пайдасы мен тиімді тұстарына тоқталып өтті. Сондай-ақ кітапхана ұжымына сәттілік тіледі.
«Бекұлы» сауда орталығында орналасқан кітап пунктіне кітапхана қорынан тарихи және көркем әдебиет бағытындағы кітаптар мен мерзімді басылымдар және соңғы кезде сұранысқа ие болып жатқан кітаптар, оқулықтар қойылған. Бұдан бөлек жауапты кітапханашылар оқырманның сұранысына сай сөрелерді толықтырып отырады.
Айта кетейік, «Базардағы кітапхана» жобасы жыл басында облыс орталығындағы үлкен сауда орталығынан бастау алған болатын. Одан соң, Сарыағаш және Сайрам ауданында ашылды. Төртінші болып іске қосылған бұл кітапханаға көпшілік қуанышын жеткізді. Бұл бастама өңірдегі өзге де аудан, қалаларда жалғасын табады деп жоспарлануда.
Түркістан облысы әкімінің баспасөз қызметі

ҚАТЫСТЫ ПОСТТАР

Әкім мен шенеуніктер киелі жерде ас бергені үшін жазаланды

ТҮРКІСТАН: ЖАСТАРҒА МЕМЛЕКЕТТІК БАҒДАРЛАМАЛАРДЫ НАСИХАТТАУ, ҚОЛДАУ КӨРСЕТУ ЖҰМЫСЫ КҮШЕЙГЕН

Екі астаналық криптобиржадан заңсыз түрде жеті миллиард теңгеден астам табыс тапты

Пікір қалдырыңыз