Сыбайлас жемқорлыққа қарсы қызмет бұрынғы Мәдениет және спорт вице-министрі Ерлан Қожағапановтың ұсталғанын растады, деп хабарлайды Aspan.info.
Қазіргі уақытта күдікті Алматы қалалық ІІД уақытша ұстау изоляторына қамалды деп хабарланды. Тергеу жалғасып жатыр.
«Сыбайлас жемқорлыққа қарсы қызмет сотқа дейінгі тергеу аясында ауыр сыбайлас жемқорлық қылмыс жасады деген күдікке ілінген бұрынғы Мәдениет және спорт вице-министрінің ұсталғанын растайды», – делінген Антикор хабарламасында.
Ресми деректерге сәйкес, Қылмыстық-процестік кодекстің 201-бабы аясындағы өзге ақпараттар таратуға жатпайды.
Айта кетейік, бұған дейін БАҚ-та 2017-2020 жылдар аралығында Мәдениет және спорт вице-министрі қызметін атқарған Ерлан Қожағапановтың ұсталғаны туралы ақпарат шыққан болатын.
Ерлан Қожағапанов 1968 жылы Алматы облысында дүниеге келген.
1992 жылы Бөкетов атындағы Қарағанды мемлекеттік университетін, Абай атындағы Алматы мемлекеттік университетін, Ресей кеден академиясын бітірген.
Еңбек жолын 1989 жылы бастаған.
1990-1994 жылдары кәсіпкерлік қызметпен айналысқан.
1994-2007 жылдары мемлекеттік органдар мен кәсіпорындарда жұмыс істеген.
2007-2013 жылдары Астана қаласы әкімінің орынбасары қызметін атқарған.
2013-2016 жылдары Спорт және дене шынықтыру істері агенттігінің төрағасы және Футбол федерациясының президенті қызметтерін атқарған.
2016 жылдың желтоқсанынан 2017 жылдың қарашасына дейін м.а. О. кеңесшісі, премьер-министрдің кеңесшісі.
2017-2020 жылдары – Мәдениет және спорт вице-министрі.
2020-2021 жылдары – Алматы қаласы әкімінің бірінші орынбасары.
2021 жылдың сәуір-қыркүйегі аралығында Мәдениет және спорт вице-министрі болды.
Одан кейін премьер-министрдің кеңесшісі қызметіне тағайындалды.
Ерлан Қожағапанов сонымен қатар «Астана» ФК директорлар кеңесінің төрағасы қызметін атқардыды.
