Қазақстан Республикасы Бюджет кодексіне сәйкес Шымкент қаласының 2026-2028 жылдарға арналған бюджетінің жобасы қалыптастырылып, қалалық мәслихат қарауына ұсынған болатын.
Бекітілген кестеге сәйкес, мәслихат депутаттары тиісті комиссияларда бюджет жобасымен танысуда. 2025 жылдың 5 қарашасында қала мәслихатының бюджет және экономикалық даму жөніндегі тұрақты комиссиясының отырысында Шымкент қаласының экономика және бюджеттік жоспарлау басқармасының басшысы Е.Ескараев 2026-2028 жылдарға арналған қала бюджетінің жобасын таныстырды. Сонымен қатар, экономика және бюджеттік жоспарлау басқармасының үш жылға алған шығыстарды туралы толыққанды мәлімет берді.
Одан бөлек, Ерлан Бастарұлы қаланың 2021-2025 жылдарға арналған даму жоспарының орындалуының негізгі бағыттары туралы есеп берді.
Депутаттар өз кезегінде, қаралып жатқан мәселелер бойынша сұрақтар қойып, бюджет тиімділігін арттыру бойынша жұмыстарды жалғастыру бойынша ұсыныстар енгізді.
