АҚШ-та SpaceX компаниясына тиесілі Starship 36 зымыраны жарылып кетті. Төтенше жағдай Техастағы полигонда сынақ кезінде болған.
«Рейтер» агенттігі таратқан кадрлардан ракетаның алдыңғы бөлігі кенет жарылып, оның алапат өртке оранғаны анық көрінеді. Миллиардер Илон Маск негізін қалаған компания өкілдері: «Қызметкерлер дін аман, ешкім зардап шеккен жоқ», – деп мәлімдеді. Десе де тілшілер мен тұрғындарға сынақ алаңында жақындамауға шақырды.
