Қаратөбе ауданы Қоржын ауылында су тасқынынан зардап шеккен азаматтарға арналған 90 үйдің құрылысы аяқталу үстінде. Құрылыс жұмыстары тамыздың соңына дейін аяқталады. Құрылыс барысын gov.kz порталы арқылы онлайн бақылауға болады.Батыс Қазақстан облысы Қаратөбе ауданында 90 тұрғын үйдің құрылысы аяқталуға жақын, деп хабарлайды BAQ.KZ Өнеркәсіп және құрылыс министрлігіне сілтеме жасап. ҚР ӨҚМ Ахуалдық орталығының мәліметінше, Батыс Қазақстан облысында 775 жеке тұрғын үйдің 80-і салынып бітті. Сонымен қатар, зардап шеккен отбасыларға екінші нарықтан 1098 үй сатып алынды, 1310 үйде жөндеу жұмыстары аяқталды.
