Шымкент ауданы әкімінің бұрынғы орынбасары сотталды, Aspan.info тілшісі Tengrinews.kz сілтеме жасай отырып.
1 сәуірде Шымкент қаласының қылмыстық істер жөніндегі мамандандырылған ауданаралық соты Еңбекші ауданы әкімінің орынбасары Е.Тленшинге, осы әкімдіктің бас маманы А.Балқыбековке, сондай-ақ мердігер ұйымның өкілі А.Манатқа қатысты үкім жариялады.
«Үкім сотталғандардың бұрынғы әріптестерінің қатысуымен жария етілді. Аталған адамдарға тиісінше 11, 10 жыл және 3 жыл мерзімге бас бостандығынан айыру жазасы тағайындалды. Олар алдын ала сөз байласу арқылы кәсіпкерлерден мемлекеттік сатып алу туралы келісім-шарт аясында мегаполисті абаттандыру жұмыстарын орындаған кезде 60 миллион теңге көлемінде пара алған, сондай-ақ зираттарды ұстауға бөлінген 28 миллион теңге сомасындағы бюджет қаражатын ұрлау фактісі бойынша кінәлі деп танылды «, — делінген хабарламада.
Сондай-ақ олар мемлекеттік қызметте қызмет атқару құқығынан өмір бойы айырылған. Үкім заңды күшіне енген жоқ.
