Қазақстанның ТЖМ 31 наурыздағы жағдай бойынша республикадағы су тасқыны жағдайы туралы ақпарат жариялады, Aspan.info тілшісі Tengrinews.kz сілтеме жасай отырып.
Министрліктің мәліметінше, азаматтық қорғау мемлекеттік жүйесінің қызметі су тасқыны салдарын жоюға, су тасқынына қарсы іс-шараларға, авариялық-құтқару жұмыстарына жұмылдырылған.
Су тасқыны кезеңінің басынан бастап ТЖМ мен әкімдіктердің күшімен 4,2 миллион текше метрден астам еріген су сорылды (тәулігіне 474 мың текше метрден астам), 263 мыңнан астам қап (тәулігіне 38 мыңнан астам) және 403 мың тонна инертті материал төселді.
Ақтөбе, Қостанай, Батыс Қазақстан, Ақмола, Атырау, Қарағанды, Солтүстік Қазақстан, Түркістан, Алматы, Павлодар облыстарында, Ұлытау және Абай облыстарында 12 701 адам құтқарылып, эвакуацияланды, оның ішінде 4 728 бала.
Ақтөбе, Батыс Қазақстан, Ақмола, Қостанай облыстарында уақытша орналастыру пункттерінде 6 461 адам, оның ішінде 2 570 бала бар. Тартылған әуе кемелерімен 961 адам эвакуацияланды, оның ішінде 261 бала.
«Жедел желі» телефондарына 592 қоңырау келіп түсті, 20 өңірде республикалық және облыстық жедел штабтар жұмыс істеуде.
Күрделі су тасқыны жағдайы қалыптасқан өңірлерде, атап айтқанда Ақтөбе, Ақмола, Қостанай, Батыс Қазақстан, Абай облыстарында су тасқынына қарсы іс-шараларды жүргізу үшін еліміздің басқа өңірлерінен ТЖМ күштері мен құралдарының топтары тартылды.
299 жеке тұрғын үйлерден және 673 аула аумақтарынан су бұрылды. Бұл ретте 1 267 жеке тұрғын үйді және 486 аула аумағын су басуда.
Автожолдардың 39 шайылуы бақылауда, оның ішінде бір көпір және 38 жол төсемі бар. Батыс Қазақстан, Ақтөбе, Ақмола, Қостанай, Шығыс Қазақстан облыстарында, Ұлытау және Абай облыстарында 53 елді мекен көліктік қатынассыз қалды, онда жергілікті атқарушы органдар халықпен байланыс жасап, азық-түлік пен дәрі-дәрмектердің қажетті қорларын құрды.
Өзендер мен су қоймаларындағы су тасқыны жағдайына мониторинг жүргізіледі. Авариялық-құтқару жұмыстарына 6 930 адам, 1 895 техника, 772 су сору құралдары және 68 жүзу құралдары, ТЖМ, ІІМ, Қорғанысминінің, жергілікті атқарушы органдардың, ұйымдардың сегіз әуе кемесі жұмылдырылды.
