Әлем жаңалықтары Жаңалықтар Қоғам

Армения Әзірбайжанның ескертуіне жауап берді

Армения Қорғаныс министрлігі өз сайтында әзірбайжан тарапының Әзірбайжанмен шекарада армян әскерлерінің жиналғаны туралы хабарын жоққа шығарды, Aspan.info тілшісі Tengrinews.kz сілтеме жасай отырып.

«Әзірбайжан Қорғаныс министрлігі таратқан Армения Республикасының қарулы күштері шекара аймағының түрлі бағыттарында жеке құрамның, бронетехниканың, артиллерияның және басқа да оқ ату құралдарының жиналуын, белсенді қозғалысын жүзеге асыруда деген хабарлама шындыққа сәйкес келмейді», – делінген хабарламада.

Сондай-ақ Арменияның Қорғаныс министрлігі 30 наурызда бірқатар телеграм-арналарда оқу процесі аясында автошеруді орындайтын жаңа шақырылған жүргізушілердің фотосуреттері таратылғанын хабарлады. Телеграм-арналарда бұл суреттерді әскерлердің шекараға қарай жылжуының дәлелі ретінде көрсетуге тырысты. Алайда, Армения қорғаныс министрлігінде атап өткендей, бұл «шындыққа сәйкес келмейді».

Армения Қорғаныс министрлігі Армения-Әзірбайжан мемлекеттік шекарасындағы жедел жағдайды тұрақты деп бағалайтынын және шекараны қорғау бойынша қосымша шаралар қабылдаудың қажеттілігін көрмейтінін атап өтті.

Бұған дейін Әзірбайжан Республикасының Қорғаныс министрлігі жедел хабарлама таратып, онда Армения қарулы күштері тарапынан Әзірбайжанға қарсы кез келген әскери арандатушылық әрекетін Әзірбайжан армиясы батыл түрде тыятынын ескертген болатын.

ҚАТЫСТЫ ПОСТТАР

Алматыда су тасқынынан зардап шеккендерге гуманитарлық көмек қабылдау пункті ашылды

Тоқаев Индонезияның жаңа президентін құттықтады

«ART HUB AMANAT» ОРТАЛЫҒЫНЫҢ ЖҰМЫСЫ ЖАНДАНУДА

Пікір қалдырыңыз