Жаңалықтар Қоғам Түркістан

ТҮРКІСТАНДА ЯСАУИ ХИКМЕТТЕРІН ЖАТҚА АЙТУДАН САЙЫС ӨТТІ

Түркістан қаласындағы Қ.А.Ясауи атындағы халықаралық қазақ-түрік университетінде Ясауи хикметтерін жатқа айтудан сайыс өтті. Жарыстың ерекшелігі – студенттермен қатар мектеп оқушылары да өз бақтарын сынады. Сайысқа қатысушылар жалпы саны 60 хикметті жатқа айтумен қатар хикметтің мағынасын ашуы қажет. Қазылар алқасының құрамында философия және теология ғылымдарының докторы, профессор Досай Кенжетай, тарих ғылымдарының кандидаты, «Әзірет Сұлтан» мемлекеттік тарихи-мәдени қорық музейінің директор орынбасары Мұрат Тастанбеков, филология ғылымдарының кандидаты Бақыт Әпжеп, Теология факультеті деканының орынбасары, PhD Бауыржан Сайфунов сынды ғалымдар болды. Жарыс нәтижесі бойынша оқушылар арасынан бас жүлдені – 9 сынып оқушысы Кәусар Рахман жеңіп алды. Жеңімпазға Қ.А.Ясауи атындағы ХҚТУ-ң Түрік квотасы берілді. Яғни, Кәусар Рахман мектепті аяқтаған соң оқу ордасында тегін оқуға мүмкіндік алды. Ал 2 орынды – Хантемір Оразбек, 3 орынды – Несібелі Қасым иемденді. Студенттер арасынан 1 орынды – Салихабану Хавасханова 2 орынды – Хасан Мәулен, 3 орынды – Нұрсат Әшен алды. Aspan.info Түркістан облысы әкімінің баспасөз сілтемесімен хабарлайды  
 
 
 

ҚАТЫСТЫ ПОСТТАР

Тоқаев Израильдегі жаңа елшіні тағайындады

Батыс Қазақстан облысындағы әлемнен қиылған ауылдың тұрғындары тікұшақпен эвакуацияланды

Тоқаевқа армияның жауынгерлік әзірлігінің жай-күйі туралы баяндалды

Пікір қалдырыңыз