Жаңалықтар Қоғам Шымкент

СӘКЕН БИБОСЫНОВ ЕКІНШІ ОЛИМПИАДАСЫНА ЖОЛДАМА АЛДЫ

Бокстан Бусто-Арсицио қаласында өтіп жатқан іріктеу кезеңінде Қазақстанның ерлер құрамасы 5 жолдама жеңіп алды. Солардың бірі Түркістан өңірінің спортшысы, ұлттық құрама көшбасшыларының бірі Сәкен Бибосыновқа бұйырды.
51 келіде бақ сынаған әлем чемпионы Сәкен Бибосынов ширек финалдық жекпе-жекте Еуропа чемпионатының күміс жүлдегері, ұлыбританиялық Киаран Макдональдты 4:0 есебімен жеңді.
Мырзағали Айтжановтың төл шәкірті бастапқы 2 раундта сенімді түрде 5:0 есебімен алға шықты. Ал шешуші раундта сәл босаңсып, соққылар жіберіп алғанымен, үш раунд нәтижесіндегі жеңісті есебін сақтап қалды. Жасындай жарқылдаған спортшы енді Париж Олимпиадасына алаңсыз дайындалады.
Айта кетейік, Италия төрінде Сәкенмен бірге Махмұд Сабырхан, Асланбек Шымбергенов, Айбек Оралбай және Нұрбек Оралбай тапсырманы орындап, Париж Олимпиадасына жолдамаларын жеңіп алды.
Түркістан облысы әкімінің баспасөз қызметі

ҚАТЫСТЫ ПОСТТАР

Ұшақтар тастаған жәрдем жәшіктері Газада көмек күткен палестиналықтарды өлтірді

Шанхайда әлемдегі алғашқы жүргізушісіз көлік жолы ашылды

Гүл дүкеніндегі жағдай: Полиция департаментінің қызметкерлеріне қатысты тергеу басталды

Пікір қалдырыңыз