АҚШ пен Ұлыбританияның сыртқы істер министрліктері өз азаматтарына алдағы екі күнде Мәскеуде адам көп жиналатын орындарда теракт жасау қаупі туралы ескертті, — деп хабарлайды Aspan.info тілшісі Euronews арнасына сілтеме жасап.
«Елшілік экстремистердің Мәскеудегі адам көп шоғырланатын жерлерге, соның ішінде концерттерге шабуыл жасау жоспарлары туралы хабарларды қадағалап отыр. АҚШ азаматтарына алдағы 48 сағат ішінде адамдар көп жиналмай тұруға кеңес беріледі», — делінген АҚШ-тың Мәскеудегі елшілігінің мәлімдемесінде.
Ресейдегі Ұлыбритания елшілігі Ұлыбритания азаматтарына Ресейге бармауға кеңес берді.
Ескерту Ресей ФСБ Мәскеудегі синагогаларға шабуыл жасауды жоспарлаған «Ислам мемлекеті» лаңкестік тобының ұяшығын залалсыздандырғанын мәлімдегеннен кейін бірнеше сағат өткен соң жасалды.
АҚШ-тың Ресейдегі елшілігі қауіп-қатердің сипаты туралы қосымша мәлімет бермеді, бірақ адамдар концерттер мен адам көп жиналатын орындардан аулақ болу керек және олардың айналасынан хабардар болуы керек деді. Бұл екі мәлімдеменің – АҚШ елшілігі мен Ресей ФСБ-ның бір-бірімен байланысы бар-жоғы белгісіз».
Латвия, Канада, Оңтүстік Корея, Швеция, Германия және Чехия алдағы екі күнде Мәскеуде лаңкестік әрекеттер қаупі туралы ескертуге қосылды, деп хабарлайды DW.
