Жаңалықтар Қоғам

«Әдепсіз әрекет жасады»: әлеуметтік желідегі видеодан кейін мұғалім жұмыстан қуылды

Қостанайлық балабақша тәрбиешісі әдепсіз әрекеті үшін жұмыстан қуылды, – деп хабарлайды Aspan.info тілшісі.

Әлеуметтік желіде балабақша тәрбиешісі үстел басында отырған қызды қағып кеткен видео пайда болды. Түскі ас кезінде баланың қасықты түсіріп алғаны мұғалімнің ашуын келтіргені атап өтіледі.

Видеоға қыздың әкесі түсініктеме берген көрінеді. Ер адам баланың бетіндегі соққыдан гематома және сызат алғанын айтады. Тергеу және балабақшадағы бейнебақылау камерасынан түсірілген жазбаны қарау барысында бұл жеке оқиға емес екені белгілі болды. Білім басқармасы мұғалімнің енді балалармен жұмыс істемейтінін хабарлады.

«Қызметтік тексеру жүргізіліп, оның барысында мұғалімнің өз міндеттерін дұрыс орындамағаны және одан әрі еңбек қызметімен үйлеспейтін әдепсіз әрекетке барғаны анықталды.Оқытушыны Еңбек кодексінің 52-бабына сәйкес жұмыстан босату туралы шешім қабылданды», – деді. Қостанай қаласы әкімдігінің мектепке дейінгі білім беру бөлімінің аға әдіскері Татьяна Жихарева.

Полицейлер аталған мекеменің мұғаліміне қатысты аталған факті бойынша «Денсаулыққа қасақана жеңіл зиян келтіру» 73-бабының 1-тармағы бойынша әкімшілік материал жиналғанын хабарлады. Медициналық тексеру қорытындысы шыққаннан кейін мұғалімді әкімшілік жауапкершілікке тарту туралы шешім қабылданады.

ҚАТЫСТЫ ПОСТТАР

Қазақстанда келісімшарт бойынша сарбаздар қанша жалақы алады, деп хабарлады Қорғаныс министрлігі

Ақпан айында инфляция Қазақстандағы тарихи көрсеткіштерден асып түсті

Салық шегерімдері есебінен өз жалақыңызды қалай ұлғайтуға болады

Пікір қалдырыңыз