Алматы әкімі Ерболат Досаев Алматыда жер сілкінісі туралы хабарлаудың жаңа жүйесі енгізілетінін айтты, — деп хабарлайды Aspan.info тілшісі.
Бұл туралы Алматы әкімі үкімет отырысында мәлімдеді.
«Мемлекет басшысының 2024 жылғы 25 қаңтардағы мобильді құрылғылар арқылы халықты төтенше жағдайларды жаппай хабардар ету жүйесін енгізу жөніндегі тапсырмасын орындау аясында Алматы қаласының әкімдігі ICRIAP, Төтенше жағдайлар министрлігімен бірлесіп тығыз жұмыс жасауда. 2024 жылдың мамыр айының соңына дейін қала тұрғындарын төтенше жағдайлар туралы жедел хабардар ету үшін ұялы байланыс технологиясын пайдалана отырып, жаппай ескерту қағидаты бойынша халықты жедел хабардар ету жүйесін енгізу жоспарлануда, оған 475 млн теңге бөлінді», — деді ол. Алматы әкімі Ерболат Досаев үкімет отырысында.
Әкім дәстүрлі технологиялардан айырмашылығы, Cell Broadcast SMS технологиясы желіге қосымша жүктеме жасамайтынын және базалық станция антенналарының қамту аймағында орналасқан барлық абоненттер үшін жедел және жаппай таратуға, хабарландырулардың уақыты мен жиілігіне мүмкіндік беретінін атап өтті.
Айта кетейік, жиын барысында Төтенше жағдайлар министрлігінің басшысы кез келген төтенше жағдай сияқты жер сілкінісін де алдын ала болжау мүмкін еместігін атап өтті. Толығырақ мына жерден оқыңыз.
