Жаңалықтар

Шымкентте учаскелік полицей тоғыз жыл бұрын кісі өлтірген күдіктіні ұстады

Қылмыс Түркістан облысында 2015 жылдың наурыз айында орын алған. Арыс қаласының тұрғыны жанжал кезінде үш адамды атып, оқиға орнынан бой тасалаған. Жәбірленушілердің бірі алған жарақатынан ауруханада көз жұмған. Сол жылдың сәуір айында ер адамға халықаралық іздеу жарияланды. Қауіпті қылмыскерді анықтап құрықтаған Еңбекші АПБ-ның учаскелік инспекторы Сәкен Ақбаев. Өз әкімшілік аумағының әрбір тұрғынын білетін полицей үнемі кепка киіп, бет-әлпетін жасыруға тырысып жүретін жігітке назар аударған. Оның жергілікті көлік жөндеу орталығына жақында жұмысқа орналасқанын білген инспектор ер азаматтың жеке басын анықтады. Тәртіп сақшысы оқиға туралы дереу жедел-тергеу тобына хабарлап, әріптестерімен бірге қашқынды қолға түсірді. Қазір күдікті қамауда, ол Арыстың құқық қорғаушыларына тапсырылатын болады.

ҚАТЫСТЫ ПОСТТАР

Жастар неге әскерге барғысы келмейді?

Қанат Бозымбаев премьер-министрдің орынбасары болып тағайындалды

Тоқаевқа Сатыбалдыұлы ісінің жаңа мәліметтері айтылды

Пікір қалдырыңыз